حل لمشكله الناموس في 10 ثواني

بسم الله الرحمن الرحيم

كيف تقتل الناموسة فى أقل من 10 ثوانى فقط

طبعا الناموس مشكلة كبيرة فى مصر خصوصا فترات الصيف وأسمع إنه منتشر جدا فى الأرياف لدرجة أنه بيعمل هجوم بعد المغرب وغارات ملهاش حل:ybiggrin: ..

مكافحة الناموس مشكلة محدش عرف يوصل لحلها غير العبد لله - هيه أنا - ولأول مرة فى التاريخ - ولأخر مرة برضه - الحل بتاعى ده ملووووش أى آثار جانبية بالعكس ده له آثار إيجابية مصاحبة! طيب بص كده لو هتستخدم الرش بفيليت أو سوبر ريد أو أى باف باف غالبا الناموس بعد كام يوم هياخد مناعة وبعدها الباف باف بالنسبة له هيبقى برفااااااان يشمه ويقول كمان كمان رش كماااااان … وسيادتك تبقى الضحية لأنك اللى مش هتستحمل كذلك الحال للكيتو وأى مبيدات ..

أما الحل الميكانيكى - وهو استخدام طاقة الشبشب وتحويلها إلى طاقة حرارية عند الاصطدام بناموسة على الحائط - هو حل أفضل وله آثاره السلبية تكمن فى بقع يصعب تنظيفها على الحائط.

الحل الأكيد والنهائى .. هو استخدام المكنسة الكهربائية!! وأوعى تستغرب .. ده حل عبقرى لأنه بمجرد أنك تقرب فوهة المكنسة من الناموسة مش هتعرف تهرب بعيد وهتتشفط وتمووووووت مخنوقه ومش بس كده ده أنت كل أوضه تدخل بالمكنسه وتدور على الناموس وتشفطه ومنها تقضى على الناموس ومنها أثر إيجابى أنك هتخلى البيت نضيييييييييف كل يوم .. يعنى نضافة ومفيش ناموس … وممكن كمان تعمل مسابقات مع اللى فى البيت وتشوفوا كل يوم مين بيصطاد أكبر عدد من النامووووس وتعملوها أولمبياد وشوف بقى تاخد ميدالية صياد أكبر شلة ناموس:ybiggrin:

مرسييييييييييييييييييييييييييي عمور
موضوع جميل